Ilir Meta letër nga burgu për mbështetësit: Nisni protestat para SPAK

08:09 | 21 Nëntor 2024
Q L

Presidenti i Partisë së Lirisë, Ilir Meta, u ka dërguar nga qelia një letër publike anetarëve, simpatizantëve dhe Kryesisë së PL-së, ku u kërkon nisjen e protestave paqësore periodike para Prokurorisë së Posaçme SPAK.

Ai i ka kërkuar gjithashtu anëtarësisë së partisë që të shumëfishojnë aktivitetin e tyre, në mënyrë që sipas tij, të ‘çmontojnë’ qeverinë e kryeministrit Edi Rama.

“Është detyra e të gjithëve ju që besoni te drejtësia dhe interesat kombëtare, të shumfishoni aktivitetin tuaj në terren kundër narkoregjimit. Kërkoj nga ju të organizoni protesta paqësore periodike para SPAK, për të denoncuar të gjitha manipulimet skandaloze të tyre në dosjen kundër meje, por edhe të dënonconi të gjitha aferat skandaloze të Edi Ramës, që SPAK, jo vetëm që nuk i heton, por që përpiqet t’i amnistojë duke dënuar disa persona që nuk i duhem më Edi Ramës”, thuhet mes të tjerash në letrën e Metës. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm